Thursday, January 18, 2007

take all my life but tell........

take all my life but tell me what's your feeling when u see me, happy, sad ,contempt or guilty as u said before i really want to know do you miss me for one second or i am nothing for you??????????????????????????!!!!!!!!!!!.

Friday, September 22, 2006

التليفون الإسلامي وصل نهارنا عسل

المتخلفين تيلي شوب
تقدم
التليفون الإسلامي
وداعا للتميز ضد المسلمين وداعا ضد تصريحات البابا وداعا لوصف الإسلام بالإرهاب وداعا لمشاكل المجتمعات الإسلامية وداعا لمشاكل المجتمع الإقتصادية و النفسية و المعنوية و البيلوجية و التلوثية و التعليمية و الإنجابية و المهلبية
فقد ظهر الأن التليفون الإسلامي
التليفون الوحيد في العالم الذي يحتوي علي خاصية التحدث بناس تانية يعني ممكن ترفع السماعة و تكلم أي حد تاني
التليفون الوحيد الذي يحتوي علي خاصية إعادة الإتصال
التليفون الوحيد الذي يحتوي علي إمكانية معرفة رقم المتصل

ليس هذا فقط
التليفون الإسلامي هو الجهاز الوحيد في العالم الذي يحتوي علي تسجيل صوتي كامل للمصحف (أوعي حد يصدق إن فيه برامج كمبيوتر و شرائط كاسيت و فيديو وموبايلات و سيديهات و ديفي دي هات و حاجات من الحجات ديه عليها المصحف )و هو بذلك ينقذ الإسلام علشان متسجل عليه المصحف و لو ماتوا حفظة القرأن القرأن مش هيضيع
التليفون الإسلامي هو الجهاز الوحيد الذي يرفع الأذان في مواقيت الصلوات الخمسة (بإعتبار إنك مش عايش في مدينة الألف مئذنة و مبتسمعش الأذان من أربع خمس جوامع حواليك غير الزوايا و بإعتبار كمان إنك معندكش ساعة و لا راديو و عايش في الصحرا و السما متغطية بغبار ذري يمنع رؤية الشمس )و هو بذلك يساعد المسلمين علي أداء الصلاوات أحسن من الصحابة و التابعين اللي يا حرام مكنش عندهم تليفون إسلامي
التليفون الإسلامي يساعد علي خفض عدد حالات الإنفصال و الطلاق نظرا لنشرة السكينة في الأسرة (زي ما إنت شايف كده الراجل و مراته بيصلوا مع بعض لأول مرة بفضل التليفون الإسلامي )و ذلك لأن التليفون الإسلامي بيجيلك و معاه 2 بطارية قلم و 2 ملايكة يحرسوا البيت من الشياطين
التليفون الإسلامي يساعد المسلمين علي التفرغ للعبادة فقط و لا يلهيهم عنها بالعمل و الكلام الفارغ ده بإعتبار أنه مصنوع في الصين غالبا و ديه قمة نظرية الإنتاج في الإسلام الحديث التي تحاول الشركة تعميمها و التي تتمثل في إن الكفرة ينتجوا و المسلمين يتفرغوا للعبادة و مش عايز حد يقول إن الناس ديه بتسبق المسلمين في العلم لأنهم يا حسرتاه هيعملوا بيه إيه في النار و ساعتها المسلمين الحلوين هيبقوا في الجنة حلوين متهنيين لا تعبوا لا في دنيا و لا في أخرة بينما الكفرة إتهروا شغل و أبحاث في الدنيا و في الأخرة النار هتهري جتتهم
التليفون الإسلامي أمل الأمة الإسلامية في التخلف قصدي في النهوض

و مش عايز كلام كتير الإعلان مكلف و كل دقيقة بقنع فيها حضراتكم بشراء التليفون الإسلامي بتتكلف كتير فمن الأخر اللي هيشتري التليفون الإسلامي هيبقي مسلم و هيدخل الجنة و اللي هيعترض هيبقي كافر و إبن ستين كلب و هيدخل النار و جتته هتتشوي هناك

Sunday, September 17, 2006

هيه هيه ول يا ول

الحزب الوطني الديموقراطي الفكر الجديد و إنطلاقة ثانية للمستقبل يا سلام يا ولاد بس نسيوا يقولوا الإنطلاقة الثانية ليه هو الإنطلاقة الأولي فشلت و الصاروخ إنفجر و لا زيادة تأكييد في الإنطلاق يمكن يعني علشان التكرار يعلم الحمار أنا كمواطن مصري صميم مش عارف صميم إزاي بس باين عليا كده و الله أعلم إني صميم المهم أنا كمواطن مصري صميم فرحان جدا و مبسوط إن الحزب الوطني أدام الله عزه بقيادة الرئيس أدام الله حكمه هيعملوا مؤتمر علشان يتأمروا علينا و يظبطونا دا اللي بيحصل خمس نجوم يا كبير مش عارفيين نودي مصايبك ديه فين فكر جديد زي جزمة المدرسة الجديدة كده يعني بمناسبة دخول المدارس و إنطلاقة ثانية زي اللي بيعيد السنة بمناسبة دخول المدارس برضه
لا و الحاج أسامة سرايا ( أسكنه الله السرايا الصفرا قادر يا كريم ) في جرنان الجمعة اللي فاتت بيتكلم عن نجاح برنامج الرئيس الإنتخابي و وفائه بوعود تعيين مش عارف كام ألف واحد يعني كتتير كده و خلاص و كلام عجيب كده هو الريس بيحكم بلد تانية و لا إيه يا جدعان متيجوا نروح مصر اللي بيقولوا عليها ديه دا باين عندهم ريس هناك زي العسل مدلعهم و مريحهم بلاش ما يجي الريس يحكمنا شوية بقي بقاله 26 سنة بيحكم مصر المحطة و سايب مصر البلد مش أن الأوان إن مصر البلد ينوبها من الحب جانب و النبي يا شيخ متيجي دا إحنا مستنينك من زمان قاعدين يقولوا الرئيس و مش عارف إيه 26 سنة و إحنا منسيين و مصر المحطة و اخده كل الخير و العز بس أنا خايف تتكل (أشك إن ده هيحصل قريب لأن صحتك ما شاء الله زي البمب بامسك الخشب )قبل ما تيجي عندنا شوية علي العموم إنت راجل سكرة ربنا يخليك لينا و يكرمك أأأأأأأأأأخر كرم قادر يا كريم

Monday, September 04, 2006

I miss you

First I write to you in English not for I consider myself perfect in it you know I always said “I have the worse English in the world” but using English for anther reason that’s I have a lot feelings for it, it was the language I used it to say “I love you” for first time of my life and it was for you do u remember how we was very close before I did, if I know your reaction …………. but if, and if can’t change anything I said it and I lost everything after that my best friend, my love ,and myself you was everything for me and after you kick me out of your life there is nothing except madness, blues and memories which I consider it the last thing real, I don’t know why you did all that first you said you don’t have extra feelings for me you don’t love me but we will still friends and then you insult my a lot and you said your not unique as you think and u don’t know how much this word make me sad ,why ? I didn’t do anything bad for you I just loved you and u should consider my unique coz nobody in the world love u as I do but I think it was enough for u to be unique.

Do u remember the first time I talked to u after 2 months u said stop send this sally winks its very stupid and take a lot of time to stop and when I told to u I am very sorry I will never send it to u , u said I didn’t tell u something to be sad how rot you was treat me that day and u r word when u said u considered my u r best friend and I never did I just let u know what you want to know and how u accuse me of selfish coz I didn’t care about ur feelings and make u said that , all this things I can’t forget it for a second its always in my mind in my dreams and a lot of questions with out answers more than 1000 why? And I think I will never have answers.

Before showing my feelings I was very afraid to lose u forever but I wasn’t imagine what happen coz if I know that I will never tell u, I will keep u at lest as a friend and I wouldn’t lose all things, sometimes I remember how u used to be nice with me and how we used to care about each other and I ask myself if u need me or miss me if there r somebody else care about u believe me or not I am very worry about you.

U know the day u talked abut men and how u was admire about someone else and u know I can hear u from the next room u was very cruel u don’t need to make me hear something like that.

I remember when I found u online after 6 months of blocking me and starting talking to me I was very happy, and when u phone me for an hour it was great time for me that’s make me human again even it was a normal conversation but believe me it was great.

I don’t know baby what will my life be in future, but I think I am over, and I will still in my room forever, u toke me out to show my the life beauty and suddenly I found u r knife in my heart and my blood tan the floor, it was a good lesion DON’T TRUST IN ANYONE AGIEN, even babies can be cruel.

I don’t know why I write that if I know I will never send it to u coz I know it’s over, so I think the perfect place for this email with a lot of emails like it with me in the grave.

باقي من الزمن ستة أشهر

حدثني صديق كبير في السن (فوق الثمانين عاما)إن أوضاع البلد هذه الفترة تماثل أوضاعها قبل ستة أشهر من قيام الثورة و حين قلت له تماثلها بدهشة قال لي إن لم تماثلها فهي أسواء منها ,فقلت له أتمني أن لا تكون الثورة من الجيش هذه المرة فسترجع بنا إلي الوراء كثيرا , فقال لي و أنا أيضا و لكن الشعب المصري شعب خانع جبان فلا تنتظر منه شيء , فأطرقت و قلت في نفسي نعم لن تحدث ثورة هذه المرة فلا أحد يراهن علي المصريين

الحاج متولي

من منا لا يعرف هذه الشخصية المعفنة !!!!!!!
الذي برع نور الشريف في تقديمها في مسلسل "عائلة الحاج متولي "الذي عرض في رمضان منذ نحو 6 سنوات , في البداية كنت أتابع المسلسل الذي إعتبرته مسلسلا كوميديا و لكن بعد ست سنوات من عرضه و إكتشفت إكتشاف غريب و عجيب ( غير إني حمار ) إكتشفت إن المسلسل مش كوميدي , برافوا عليك سؤال كويس تعجبني لما تسأل و عرفت إزاي ؟ المشكلة مش عرفت إزاي المشكلة إني تأخرت 6 سنين علشان أعرف و هو ده اللي خلاني حمار , و بعيدا عن الموضوع ده , تعالوا نمسك الشخصية المعفنة ديه واحدة واحدة أولا إنتهازي متسلق عظامي ( و هي عكس عصامي أي يستخدم عظام الأخرين لبلوغ غايته ) نسوانجي بصاص بستخدم الدين كستار ديكتاتور جاهل و يعتقد إنه يعرف كل شيء عنيد و غبي كالبغل لا يهتم الإ بنفسه تحركه شهواته و غرائزه يعيش من أموال نسائه و يستعبدهم كالجواري صاحب علاقات مشبوهة مع بعض فسداء الحكم بهدف مساعدته في التربح غير المشروع و المنافسة الغير شريفة مغرور بإعتقادة أن جميع نساء الأرض يجب عليهن أن يركعن تحت قدميه و هي ديه بقي صلب الموضوع اللي عايز أتكلم فيه و هو ده اللي خلاني حمار أنا كنت فاهم إن المسلسل كوميدي بإعتبار إن الكوميديا في بعض الأحيان تكون فانتازيا أو اللا معقول و كنت أعتقد إنه لامعقول أن يحدث هذا في الحياة إزاي واحدة تقبل إنها تتجوز شخص معفن - بالصفات التي أسهبت في سردها- كما حدث في المسلسل و أيضا أن تتقاتل عليه النساء بس طلعت حمار و المسلسل مش كوميدي و بيعرض صورة لرجال معفنة و نساء متخلفة أفضل ما يقال عنهن أنهن جواري القرن الواحد و العشرين , و المسلسل يعرضه بشكل متعاطف مع هذا الرجل المعفن ( أحد الأسباب التي أدت إلي إعتقادي بأنه مسلسل كوميدي ) و مؤخرا إكتشفت أنها حقيقة واقعة في مجتمعي الذي إتضح لي إنني لا أعلم عنه شيء بالمرة ( إذا كنت معرفش حاجة عن عائلتي أو أسرتي هعرف إزاي عن المجتمع ) و أخيرا ليه كتبت الموضوع ده بإعتبار أن المسلسل عرض منذ ست سنوات المشكلة إن 3 فضائيات علي الأقل تعرض هذا المسلسل يوميا أنها تعبت من العفانة ديه بقي

Friday, August 04, 2006

لسه فيه رجاله بس مش عرب

فنزويلا تسحب سفيرها من اسرائيل

http://news.bbc.co.uk/hi/arabic/news/newsid_5244000/5244152.stm

كويس و الله لسه فيه رجاله هوجو شافيز عملها , ريحته النتانة فاحت يا عرب يا تكوا نيلة يا حكامنا يا موكوسين إلهي يوكسكوا و يذلكوا زيادة ,
فكروني بقصة من الأدب الهندي ملخصها في السريع علشان مليش نفس أتكلم أساسا إن فار كان عند ساحر جه يجري خايف من قطة و طلب منه يحوله قطة جه يجري خايف من كلب حوله كلب جه يجري الساحر قاله مش هحولك نمر لانه مافيش فايده أحولك نمر و قلبك قلب فار و رجعه فار تاني , يا ريت ربنا يرجع حكام العرب فران أو خنازير زي ما كانوا تاني لان مفيش فايدة حتي لو بقوا رؤساء أمريكا هيفضلوا يترعشوا و يعملوها علي نفسهم يرضه الفار هيفضل فار و الخنزير اللي هوه الحلوف هيفضل زي ما هوه حتي لو بقي إيه و الراجل راجل بس للأسف الرجاله بقوا فنزويليين دلوقتي و للأسف ليه مطول عمر أمريكا الاتينية رجاله
و ياريت الحكاية تكون عجبتكم
جدتكم أم السعد

Tuesday, August 01, 2006

مدونة أم السعد

هو لازم أتكلم طيب أقول إيه , أقول وجهة نظري في إستبسال المقاومة و فعالية صواريخ حزب الله , و لا أتكلم عن معاناة الشعب اللبناني و المهجرين من أبناء الجنوب , و لا الناس اللي بتموت في بيوتها من الغارات و لا مذبحة قانا الثانية (أنا فاكر أول مرة والدي فرجني فيها علي صور لمذبحة صبرا و شاتيلا كنت تقريبا عندي 9 سنين جه علي راسي سؤال ملح كان لازال يتردد حتي أيام , هو إزاي سكت إن ده يحصل ؟ أقصد والدي طبعا بإعتبار إني كنت بشوف أبويا شخص خارق مش علشان حاجة بس علشان هو أبويا مش أكتر و من يومين إفتكرت الموضوع ده ولادي هيقولوا هو إزاي ساب حاجة زي ديه تحصل بإعتباري أبوهم سوبر برضه و المطلوب مني أروح أطلع ميتين أم إسرائيل و أمريكا و اللي يتشددلهم ) طيب لو إتكلمت هقول إيه كل الكلام إتقال و بعدين حتي لو متقالش هيعمل الكلام ايه مش هيأكل جعان و لا هيكسي عريان و لا هيحمي من غارة و لا هيضرب صاروخ و لا حتي حجارة خاليني ساكت أحسن , اللي بيعمل عمل خلاص المقاومة في لبنان هي اللي إتكلمت و ياريت إتكلمت و خلاص ديه لابستنا الطرح , باللزمة لو جيفارا عايش و جه دلوقتي و شافني هيعمل معايا إيه هيشتمني و هيتف عليا و يقولي مسمي مدونتك جيفارا إنت مش عارف أنا مين إنت أخرك تسميها مدونة أم السعد يا كرنب أتفوا عليك و علي شكلك , مش قادر أكتب حاجة و لا أقول حاجة مش قادر غير إني أتنح قدام الجزيرة و أشجع زي بتوع الكورة مش قادر غير إني أعيط من شعوري المقزز من إحتقار الذات مش قادر أعمل حاجة و مش هعمل حاجة الرجالة بس اللي بيعملوا إنما أم السعد كفاية عليها تندب حظها و تعيط و تولول.
-------------------------------------
سؤال بسيط لحكام العرب إنتوا متكيفين كويس و لا لسه مدخلش كله , علي العموم المثل بيقولك إتقل تتكيف و أتقل أكتر تتكيف أكتر و الصواريخ كتير سواء عند إسرائيل أو حزب الله يعني التكيف علي ودنه
------------------------------------
سيادة الرئيس حمقة السابع عاشر أصبحت تصريحاتك نكاتا علي الفضائيات زي نكتة إسرائيل و البتاع ممكن تسكت شوية علشان مصر مش ناقصة تبقي مهزئة أكتر من كده متعمل حاجة مفيدة أحسن و تروح و تحل عننا يارب يهديك و يجعلك حبظلم بظاظا قادر ياكريم
-----------------------------------
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

Tuesday, July 11, 2006

مدونتي العزيزة

مدونتي العزيزة إشتقت إليك , أسف و الله ممنعنيش عنك غير الفترة اللي فاتت غير الإمتحانات و المذكرة و طبعا الإمتحانات زي ما إنت عارفة بتعمل حاجة غريبة في الدماغ , الواحد أول ميجي يفتح الكتاب و يذاكر تيجي علي مخه كل أفكار الدنيا يكونش العلماء كلهم إتزرعوا فيه فجأة أو تبقي عايز تقرأ كل كتب الدنيا و الكتاب قدامك متلقح بقالة فترة ميجيش علي بالك و لما تيجي تذاكر يحلي في عينيك و تبقي عايز تقراه المهم الفترة اللي فاتت قريت كتب كتير و كلها كانت حلوة بس أوحش حاجة إني كنت عايش في البطيخ مش دريان بحاجة و بفتح الجزيزة النهاردة لقيت العالم صار أسوأ كثيرا مما كان عليه مش عارف إيه أخرتها أنا تعبت جدا