غني يا بهية

فرحت جدا لما حضرت الحفلة دية كانت فرصة كويسة جدا علشان أتعرف علي المدونين طبعا رحت مش عارف أي حد أو أي حاجة و قعدت كتير زي خبيتها مبكلمش حد و محدش طبعا بيعبرني بس أخدت قرار إني مش هخرج من المكان ده غير لما أعرف ناس كتير جدا و الحمد لله نفذته بفضل الأفغاني أول واحد إتعرفت عليه و عرفني هو علي ناس كتير النديم و سيزار و عمرو عزت و جيمي هود و طبعا قابلت عبير العسكري و مالك اللي طبعا بالعافية سلمت عليه بسبب كم الناس اللي حواليه بس باين عليه شخصية ظريفة جدا بس إتهريت تدوير علي واحد كان نفسي أقابلة و ناس كتير علي فكرة كان نفسهم يقابلوه طبعا مختار العزيزي بس للأسف معرفتش إذا كان موجود و لا لا بس إنشاء الله أعرف أشوفه قريب المهم أظرف حاجة حصلت لما قعدت أنا و الأفغاني و جيمي مع إتنين مخبرين قصدي صحفيين من روزاليوسف بس طبعا ديه حكاية لوحدها هكتبها قريب لأنها حكاية طويييييييييييييييلة جدا